Жолбарыс батыр ауылдық округінің ақсақалдар алқасының төрағасы Ж. БЕЙСЕНБАЕВ:
– «Қазақстан Республикасындағы жергілікті өзін-өзі басқару туралы» Заң
жобасын кеңінен халықпен талқылаудамыз. Заң Қазақстан Республикасының Конституциясына сәйкес жергілікті өзін-өзі басқару саласындағы қоғамдық қатынастарды реттеп, жергілікті өзін-өзі басқару органдарының құқықтық мәртебесі мен қызметін ұйымдастыруды, жергілікті өзін-өзі басқарудың қаржы-экономикалық негіздерін айқындайтыны анық.
Осы заң жобасында көрсетілгендей елді мекендерді сумен жабдықтауды және су пайдалану мәселелерін реттеуді ұйымдастыру; дене шынықтыру мен спортты дамыту үшін жағдайларды қамтамасыз ету; бос уақытты ұйымдастыру үшін жағдайлар жасау; кооперациялар ұйымдастыру; жер пайдалануға байланысты мәселелерді шешуге өзгерістер енгізілген. Ауылды көркейтіп, абаттандыруға және ауылдың өмірін жақсартуға нақты іс-шаралар көрсетілген. Ауыл тұрғындары заң жобасын толық қолдайды деген сенімдемін.
