Көшпенділер ойындары аясында бәйгеден жарыстар аяқталды. Жанкүйердің айызын қандырған аламан бәйгеде Сапарғали Сәтпаевтың “Айқабақ” тұлпары (шабандоз – Аңсар Арыстанбек) топ жарып, қазақ елінің бөркін аспанға атқызды.
Екінші болып жетісулық шабандоз Хамза Марланұлы мінген “Жұмыртұяқ” келді. Ал үштікті Қырғызстаннан келген “Қарақыз” атты тұлпар (шабандоз – Нурэл Элесов) түйіндеді.
