Қазақ күресі – ұлттық төл спортымыз. Біздің күрес – ешқандай күрес түрлеріне ұқсамайды. Бүгінгі таңда жүргізіліп отырған спорттық-теориялық және әдістемелік зерттеулер бойынша қазіргі самбо, дзюдо, еркін күрестердегі негізгі айла-тәсілдер қазақ күрес өнерінен алынғаны дәлелденуде. Яғни, дәстүрлі көшпелілер күресі әлем спортының дамуына зор үлес қосты деуге болады. Міне, осындай ұлы дәстүрімізді насихаттау аясында, ауданымызда жылдағы дәстүр бойынша, алдағы уақытта облысымызда өтетін «Жетісу бөрісі» атты Республикалық турнирге іріктеу аясында «Қаратал бөрісі» атты аудандық іріктеу сайысы өтті.
